Бишек җырлары – сабый чакның якты истәлеге

Кызым-кызым кыз кеше,

Кызым булыр зур кеше.

Кияүгә дә китәр ул,

Илгә файда итәр ул.

1959 елда Әлмәт районының Илтән-Бута авылында Фекла Антоновадан язып алынган.(Балалар фольклоры, 25 бит).

Шыбыр-шыбыр яңгыр ява

Капка төбен күл итеп;

Үсеп җиткәч алып кайтыр

Тәмле әйберләр күп итеп.

1959 елда Әлмәт районының Илтән-Бута авылында Федора Исхаковадан язып алынган.(Балалар фольклоры, 24 бит).

Бигрәк матур шыңшыйсың,

Ниләр уйлап җырлыйсың.

Көен каян табасың,

Йөз төрлегә борасың.

1959 елда Әлмәт районының Илтән-Бута авылында Александра Ананьевадан язып алынган.(Балалар фольклоры, 24 бит).

Әлли-бәлли әлекәй,

Йокың килә, бәбекәй;

Йокла-йокла, гөлием,

Кая битең үбием.

1959 елда Әлмәт районының Илтән-Бута авылында Аннаа Васильевадан язып алынган.(Балалар фольклоры, 24 бит).