Иван Пугачев татар фильмында катнашачак

Татар классик язучысы Әмирхан Еники новеллалары буенча төшереләчәк фильмда катнашучыларны сайлап алу буенча, апрель аенда  кастинг уздырылган иде.

4 июльдә “Татаркино” учреждениесендә әлеге кастингны узып, фильмда роль башкарачак үсмерләр катнашында кинопроба булачак, ягъни алар фильмда уйнаячак рольләрен башкарып күрсәтәчәкләр.

Әлеге фильмда мәдрәсә шәкертләреннән Гыйлемдар ролен – Иван Пугачев, ә Бәдретдинне 18нче татар гимназиясеннән  Солтан Нотфуллин башкарачак.

Бу укучыларның икесе дә танылган артист, Идел буе районы сәнгать мәктәбенең театр дәресләре укытучысы, карендәшебез Аграфена Васильевадан актерлык осталыгын үзләштерәләр.

Иван Пугачев – 69нчы мәктәп укучысы, сигезенче класска күчкән. Иванга туган телебез нечкәлекләрен җырак әбисе – Теләче районындагы Иске Карбаянда яшәүче 60 яшьлек Мария Семеновна Меньшова да өйрәтә.