Зичәбаштан Ксенофонт Антонов туган авылы тарихы турында мәгълүматны бөртекләп туплаган

Ксенофонт Антонов Зәйнең “Радость”  социаль хезмәт күрсәтү үзәгендә өйдә социаль хезмәтләр ала, тыл ветераны.

Ксенофонт Константинович - Зычебаш авылында туган. Ул туган авылында урта мәктәпнең дүрт сыйныфын тәмамлап, бөтен хезмәт юлын туган авылында колхозда төрле эшләрдә хезмәт куйган. Гомере буе ул туган авылы турындагы тарихи фактларны бөртекләп җыя, аларны җентекләп дәфтәренә язып бара. Моннан берничә ел элек Ксенофонт Константинович язмалары буенча авыл тарихы турында китап басылып чыкты. Үз нәселенең тарихын торгызырга, ата-бабалары турында белергә, үз гаиләсенең шәҗәрәсен төзергә теләгән авылдашлары  бүгенге көнгә кадәр Ксенофонт Константиновичка мөрәҗәгать итәләр. Ул, үз чиратында, барлык архивларын анализлый, кирәкле мәгълүматларны сайлый һәм аларны теләп бүлешә. Аның архивларында Зычебаш авылы гаиләләре, аларның вәкилләре нәрсә белән шөгыльләнүе, анда нинди мөһим вакыйгалар булуы, үз бакчаларында нинди культуралар чәчүләре, нинди уңыш алулары турында мәгълүмат бар.

Пенсиягә чыккач та, ветеран актив җәмәгать эшчәнлеге алып баруын дәвам итә. Үз авылында мәктәп эшләп килгәндә, ул укучылар өчен класс сәгатьләре үткәрә, чараларда катнаша.

97 яшендә дә тыл ветеранының зиһене бик яхшы, тирә-юньдәге вакыйгалар, илдә, дөньядагы яңалыклар белән кызыксынып тора. Аның бер генә теләге бар: үз эшчәнлеген туктатмаска һәм авыл тарихын киң җәмәгатьчелеккә җиткерүне дәвам итәргә. Ксенофонт Константиновичка авылдашлары һәм күрше авыллардан мәктәп укучылары еш кунак булып килә.

Зәй офыклары