Урта Багражда тагын бер заманча урын барлыкка килде

Авылда биш урам тренажеры «Татнефть» хәйрия фонды грантын откан акчага куелды. Тиздән үзара салым акчасына тагын биш тренажер урнаштырылачак.

Һәйкәл һәм балалар уен мәйданчыгы янындагы спорт һәм балалар мәйданчыгы — хәзер бердәм уникаль урынны тәшкил итә.

Спорт залларына еш йөрү мөмкинлеге булмаган балалар, яшүсмерләр, өлкәннәр ел әйләнәсе үзләренә уңайлы вакытта һәм бушлай тренажерларда шөгыльләнә ала.

«Татнефть» тормышка ашыра торган проектлар нәтиҗәсендә авыл халкының тормышы үзгәрә, уңайлырак була бара. Монда теләсә кайсы вакытта шөгыльләнергә була. Бу көннәрдә тагын берничә яңа тренажерлар Таганрог шәһәреннән кайтып җитәчәк. Аларны авыл ир-атлары үз көчләре белән урнаштырачак.

Фотолар җирлектән.

Зәй офыклары, Клара Ермолаева