«Туганайлар»га язылып бүләк откан карендәшләребезнең исемнәре билгеле - туры эфир

Бүләк уйнату газетаның ВКонтактедагы төркемендә туры эфирда булды. Аны газетаның баш редакторы Юлия Губина үзе алып барды. 

Матур гадәтне дәвам итеп, бу елны да безнең «Туганайлар» газетасы редакциясе үз подписчиклары арасында бүләкләр уйнатты. Алар: кәстрүл, блендер, гриль-таба, термос, салат савытлары җыемасы, френч-пресс (чәй пешерү өчен), 6 фужер җыелмасы, керамик менажница.

Розыгрышның шарты бик гади иде:

1. 2025 елның икенче яртыеллыгына «Туганайлар» газетасына язылырга;
2. Язылу квитанциясен 8917 250 97 95 номерына җибәрергә;

Бүләк уйнату конкурсы 2 апрельдә игълан ителде һәм 30 июньгә кадәр барды. Шул арада редакциягә Татарстанның төрле районнарында яшәүчеләрдән барлыгы 127 язылу квитанциясе килеп иреште. 

Призларны уйнату нәтиҗәләре түбәндәгечә:

Кәстрүл  Чистай районының Чуаш Ялтаны авылыннан Н.Никитинага чыкты;

Блендер Питрәч районының Керәшен Сәрдәсе авылына Нина Фадеевага китә;

Гриль-табага  Мамадыш районының Усали авылыннан Лидия Константинова (Пасыева) ия булды;

Термос  Мамадыш ягына Эльмира Мукеевага китә;

Салат савытлары җыемасын Башкортстанның Бакалы районы, Умер авылыннан Аделия Чубараева отты;

Френч-пресс (чәй пешерү өчен) Балык Бистәсенең Алан-Полян авылыннан А.Емельяновага чыкты;

6 фужер җыелмасы Питрәчкә Анатолий Кутузовка юлланачак.

Керамик менажницаны Казаннан Л.Пузырева килеп алачак.

Бүләк отучылар безгә 8 917 250 97 95 номерына хәбәргә чыксыннар!