Село Чурадагы балалар бакчасында телләргә багышланган викторина булган

8 сентябрьдә Россиядә беренче тапкыр Россия халыклары телләре көне билгеләп үтелде. Шул уңайдан, Село-Чура балалар бакчасында әзерлек төркеме балалары белән «Туган телдә сүзләр дөньясында»дигән викторина узган.

Балалар үзләренең белемнәрен күрсәтеп, конкурсларда, керәшен, татар, рус милли уеннарында катнашканнар.

«Балалар командада эшләргә өйрәнделәр, җитезлекне һәм координацияне үстерделәр, ә иң мөһиме – традицион уеннар турында белеп, күңелле вакыт үткәрделәр. Россия халыклары телләре көне җылы, дуслык һәм үзара хөрмәт атмосферасында узды. Балалар кызыксыну һәм соклану белән һәр телнең дөньяга уникаль ачкыч булуын ачыкладылар», –  дип язды Село-Чура балалар бакчасындагы тэрбияче Наталья Антипова.

Наталья Антипова фотолары