Сәвәләй укучылары республикакүләм конференциядә катнашты

Анда Татарстанның төрле районнарыннан 82 катнашучы җыелды. 2005 елдан бирле үткәрелә торган конференция соңгы өч елда республика статусына ия. Быел Зәй, Әлмәт, Алабуга һәм Түбән Камадан укучылар үз эшләре белән чыгыш ясады.

Яшь тикшеренүчеләр алты секциядә үз проектларын тәкъдим иттеләр: экология, химия, биология, математика, филология, туган якны өйрәнү. Алдынгы белгечләрдән торган экспертлар жюрие эшләрнең дәрәҗәсен югары дип бәяләде.

«Катнашучылар арасында Сәвәләй мәктәбе укучылары да бар. 9нчы класс укучысы Надежда Литюк экология-биология секциясендә җиңүче булды. Химия һәм биология укытучысы Светлана Рыбак укытучылар секциясендә призлы урынны яулады. Шулай ук, әлеге конференциядә 6нчы класс укучысы Таисия Маклакова һәм тарих һәм җәмгыять белеме укытучысы Марина Егорова да катнаштылар», – дип хәбәр иттеләр Сәвәләй авылы мәктәбеннән.

Фото: Лилия Гатина.