Сәвәләй мәдәният йортында махсус хәрби операциядәге егетләребез өчен ярдәм әзерлиләр

Бүгенге көндә безнең барыбызның да күңелләрендә бер генә теләк яши: махсус хәрби операция тизрәк тәмамлансын, илдә һәм күңелләрдә тынычлык урнашсын.

Бу изге эшкә үз өлешләрен кертергә теләп, Сәвәләй мәдәният йортында хатын-кызлар егетләргә токмач кисә.

«Бу гади генә эш түгел, ә һәрбер токмач кисәге – безнең яу кырындагы егетләребезгә булган җылы хисләребез, аларның исән-сау әйләнеп кайтуларын теләвебез..Һәрбер киселгән токмач, һәрбер җыелган пакет – ул аларның авыр хезмәт юлларында, безнең яктан булган бу кечкенә генә булса да, җылылык һәм кайгыртучанлык. Бу егетләр өчен бик мөһим», – ди Сәвәләй авылы мәдәният йорты җитәкчесе Ләйлә Сабаева.

Барыбыз да тизрәк тыныч тормыш көтәбез. Бу теләк безне берләштерә, бергәләп эш итәргә дәртләндерә. Сәвәләй мәдәният йортында узган бу эш – ул безнең бердәмлегебезнең, Ватаныбызны яратуыбызның һәм солдатларыбызга булган хөрмәтебезнең бер күренеше.