Сәйтәктә маскировка челтәре үрәләр

Менделеевскиның Сәйтәк авылында киң күңелле авылдашлар берләшеп, махсус хәрби операциядә катнашучы якташларына төрле яклап ярдәм күрсәтергә тырыша. Окоп шәмнәре ясыйлар, тәм-томнар пешерәләр, токмач та кисәләр, кием-салым, яшелчә, җиләк-җимеш тә җибәрәләр.

Шушы көннәрдә тагын бер игелекле эшне дәвам итәргә булганнар – мәдәният йортына  җыелып, маскировка челтәрләре үрә башлаганнар.

Игелекле эшнең иртәсе-киче юк, дигәндәй, аның яше һәм вакыты да юк. Маскировка челтәрләре үрү өчен өлкәннәр дә, урта яшьтәгеләр дә, хатын-кызлар да, гомумән, вакыты, теләге һәм кул эшенә сәләте булган һәркем килә ала.

«Бүген һава торышы салкын һәм күңелсез яңгыр. Ләкин безне җылытырлык нәрсәләр бар. Эшлибез – фронт өчен чираттагы саклану челтәрен бәйлибез. Һәр төен, һәр җеп – бу кемнеңдер исән-калу мөмкинлеге», – ди мәдәният йорты җитәкчесе Ясминур Гыйззәтуллина.