Олы Шүрнәк мәдәният йортында халыклар дуслыгы һәм бердәмлеге турында чара узды

Бу очрашуда безнең илебезнең төрле халыкларының дуслыгы һәм бердәмлеге турында сүз барды. Чөнки безнең туган  җиребездә  урыслар, татарлар, мордвалар, чувашлар, башкортлар, керәшенннәр кебек бик күп халык тәшкил итә.

Чарада катнашкан балалар һәр милләтнең үз телен, мәдәниятен һәм гореф-гадәтләрен саклап калуының мөһимлеген ассызыкладылар. Оештыручылар, үз чиратында, керәшеннәрнең милли киемнәре элементлары белән таныштырдылар һәм балаларны милли халык уеннарында катнашырга дәртләндерделәр.

Чара ахырында мәдәният йорты җитәкчесе Роза Роева нәтиҗә ясады:

"Без бергә булганда гына бай, бердәм булганда гына көчле булабыз. Шуңа күрә без һәрвакыт бер-беребезгә хөрмәт белән карарга, лаеклы һәм иркен яшәргә, башка халыкның йола-гадәтләренә ихтирам итәргә, татулыкта һәм килешүчәнлектә яшәргә тиешбез".

Роза Роева фотолары.