Олы Шүрнәк авылында Дан орденнарының тулы кавалеры Петр Захаровка багышланган конференция узачак

Бу конференция мәктәп укучыларында иҗади эшчәнлек, фәнни-тикшеренү эшләре белән шөгыльләнүгә карата кызыксыну уяту, иҗади фикер йөртү осталыгын арттыру, үзләренең кече ватаннарына карата патриотик хис тәрбияләү, Тататрстанның тарихи мирасын өйрәнү һәм саклау максатыннан оештырыла. 

Конференциядә мәктәп, гимназия, лицей һәм өстәмә белем бирү учреждениеләренең 1нче-9нчы класс укучылары катнаша. 

I этабы 1-23 апрельдә читтән торып оештырыла. Укучыларның конеренциягә дигән материалларын кабул итү һәм экспретиза уздыру күздә тотыла.

II этап 25 прельдә Олы Шүрнәк авылы мәктәбендә була. Конференциядә катнашу өчен укучылар үзләренең заявкаларын, тикшеренү һәм иҗади эшләрен  bolsheshurnyakskaya@mail.ru электрон адреска юлларга тиешләр.

Конференциягә эшләр түбәндәге номинацияләрдә кабул ителә:

• Бөек Җиңүгә – 80 ел: П.Е.Захаровның тормышы һәм сугышчан юлы (5нче-9нчы класс укучыларының 1941-1945 еллардагы Бөек Ватан сугышында катнашкан якташлар һәм тыл фидакарьләре турындагы фәнни-тикшеренү эшләре).
• Бөек Җиңүгә – 80 ел: буыннар хәтере (мәдәният һәм дин эшлеклеләренең 1941-1945 еллардагы Бөек Ватан сугышында җиңүгә керткән өлешләре турында 5нче-9нчы класс укучыларының фәнни-тикшеренү эшләре).
• Хәзерге вакытта Ватанны саклау (2025 елның Ватан сакчысы елы дип игълан ителү уңаеннан 5нче-9нчы класс укучыларының фәнни-тикшеренү эшләре).
• Үсеш ноктасы – минем тикшеренүләр үзәге (5нче-9нчы класс укучыларының  Бөек Ватан сугышы елларында һәм хәзерге вакытта фән үсешенә бәйле фәнни-тикшеренү һәм проект эшләре).

Конференция кысаларында 1нче-4нче класс укучылары өчен «Сугыш тарихы – минем гаиләм тарихы» дигән темага иҗади конкурс (заочно) уздырыла. Иҗат эшләре –түбәндәге номинацияләрдә:

• үзе ясаган рәсем һәм үзе язган шигырь;
• үзе ясаган рәсем һәм үзе язган проза әсәре.

Шулай ук, конференция кысаларында «Ак торна» («Белый журавль») уздырыла. Конференциядә катнашучылар үзләре белән узганга хат һәм торна ясап алып килергә тиешләр.  

Жюри иң яхшы эшләрне сайлап алып, призлы урыннар билгеличәк. Барлык сораулар белән дә bolsheshurnyakskaya@mail.ru электрон почтага мөрәҗәгать итәргә була.