Монай авылында өмә узды

«Экологик иминлек» милли проекты кысаларында, рәсми рәвештә санитар-экологик ике айлык башланып китте. Монай авыл мәдәният йорты хезмәткәрләре дә катнашып, кыштан калган карны һәм чүп-чарны чистарту эшенә керештеләр. Бу ике айлык - табигатьне саклау, тирә-юньне чиста тоту һәм яшәү урыннарыбызны матурлау буенча уртак хәрәкәт. Район хакимияте, җирле үзидарә органнары, оешмалар, уку йортлары, мәктәпләр һәм, әлбәттә, актив гражданнар бу мөһим чарада катнаша.

Авыл җирлекләре дә бу эшкә кушылды.

«Монай авыл мәдәният йорты алдында да эш җитәрлек иде. Һава торышының уңай булуыннан файдаланып, хезмәткәрләр кыш буе җыелган карны, юл читләренә, агач төбенә тупланган чүп-чарны җыештыруга тотындылар. Бу - бары тик бер авылда гына барган эш дип уйларга кирәкми. Чөнки «Экологик иминлек» - ул гомуми максат, һәркемнең үз өлешен кертәсе килә торган зур проект», – диделәр мәдәният йорты хезмәткәрләре.

Надежда Бакаева фотолары.