Марина Карпова: «Миндә зирәклек зур, диләр, дөрестер, мөгаен»

 – Елан елында туганмын. Миндә зирәклек зур, диләр, дөрестер, мөгаен.

Безнең гомеребез төрле сынаулардан тора. Кыенлыклары, уңышлары да була. Нинди генә очракта да кешелеклегебезне саклап калу, иң мөһиме, минемчә.

Минем өчен үтеп киткән Елан елы уңышлы булды –  ике тапкыр махсус хәрби операция зонасына барып, концертлар куйдык. Дәүләт бүләгенә – Татарстан республикасының “Фидакарь хезмәт өчен” медаленә лаек булдым. Улым Кузьма белән Россия дәүләт думасында, Мәскәүдә чыгыш ясавымны да бәхеткә саныйм.

Татарстанда гына түгел, Малайзиядә, Гарәп Әмирлегендә һәм Маврикий утравында тантаналы чараларда катнаштым.

Иң мөһиме, югалтуларсыз узды бу ел. Маймыл, Елан, Ат елымы мин һәрвакыт яхшылыкка өметләнәм һәм ышанам, барысы да әйбәт булыр. Яңа елда изге ниятләр һәм какшамас иман телим.