Мәләкәстә волонтерлар өчен концерт куйдылар

Концертта «Питрау» балалар фольклор коллективы һәм Андрей Казанцев үзләренең якты концерт номерларын бүләк иткәннәр.

«Яшь артистларның концерты бик күп уңай хис-тойгылар уятты, һәр номер көчле алкышлар белән озатылды. Волонтерлар үсеп килүче буын өчен үрнәк. Безнең егетләргә ярдәм итү өчен вакытларын һәм көчләрен биреп, читтә калмаулары өчен рәхмәт аларга», – диләр Мәләкәс авылы мәдәният йорты хезмәткәрләре.

Балаларның чыгышлары аларның иҗади сәләтләрен генә түгел, ә кешелеклелекләрен, башкаларга карата булган җылы мөнәсәбәтләрен дә күрсәтә. Бу концерт озак вакытлар волонтерларның хәтерендә калыр, аларга яңа көч һәм дәрт бирер, киләчәктә дә игелекле эшләр башкарырга рухландырыр.

Фотолар Мәләкәс авылы мәдәният хезмәткәрләреннән.