Мәләкәс, Керәшен Сәрдәсе авылы халкы да үз-йолаларның асылын ачып бирергә тырыша

Һәр төбәк үзләрендә уздырыла торган бәйрәм-йолаларның асылын ачып бирергә тырыша.

Кышкы бәйрәмнәрнең тылсымлы көннәрендә Тукай районының Мәләкәс авылы мәдәният йортында да «Бер бәйрәм кичендә» дигән утырмага җыелганнар.

«Катнашучылар үзләренең балачагы белән бәйле кызыклы вакыйгаларны искә төшерделәр. Киләчәккә багулар булды, үз язмышларын белделәр һәм яшерен сорауларга җаваплар таптылар. Аулак өйдә утыруыбыз пироглар белән бәйрәмчә чәй эчү белән дәвам итте», — дип яздылар мәләкәслеләр.

Йөзек салу – күңелле, матур йолаларның берсе. Ел саен Питрәч районының Керәшен Сәрдәсе авыл мәдәният йортында, авыл китапханәсе һәм туган якны өйрәнү музее белән берлектә, керәшен халкының милли йола-гадәтләренең берсе — «Җөзек салу» оештырыла.

«Быел да әлеге кичәгә авылның яшьләре дә, өлкәннәре дә җыелды. Кемдер уенда катнашты, ә кемдер читтән күзәтеп, өйрәнеп торды. «Станок», «Бармак басыш» уеннарын да уйнадык. Биюләр, җырулар да җырлашып утырдык»,— дип яздылар  мәдәният йортыннан.

Фотолар мәдәният йортларыннан.