Ленинода махсус хәрби операциядәгеләргә токмач кистеләр

Бу –  гади генә ризык түгел, авыл халкының алгы сызыктагы егетләргә юлларга теләгән өй җылысы.

«Авыл кешеләре бу эшкә зур игътибар һәм җылылык белән карадылар: берәүләр токмач кисүдә турыдан-туры катнашса, икенчеләре азык-төлек белән ярдәм итте –  он һәм күкәй алып килделәр. Һәркемнең өлеше мөһим. Безнең егетләр өчен кайнар аш, туган йорттан еракта сагынып көтү билгесе. Токмач өчен барлыгы 80 күкәй кулланылды –  кешеләр бу акциягә хезмәт һәм бик күп ихлас теләкләрен салдылар», – дип сөйләде авыл җирлеге башлыгы Светлана Питеркина.

Светлана Юрьевна бу изге эштә катнашырга вакыт һәм көч тапкан һәркемгә чын күңелдән рәхмәтләрен белдерә. Бу токмач егетләребезнең тәннәрен генә түгел, йөрәкләрен дә җылытсын!

С. Питеркина фотолары.