Ленино авылында Изге чишмәне чистартылып, тирә-ягы тәртипкә китерелде

Бу юлы да авылның җәмәгать эшендә катнашучы иң уңган кешеләре, эш кораллары алып, чишмә янына килгәннәр.

Алар чишмәгә төшә торган баскычның култыксаларын рәтләгәннәр. Янәшәдәге агачларның су алырга, ял итәргә килүчеләргә комачаулык тудыра торган корыган иске ботакларны кискәннәр. Чишмәнең тирә-ягындагы чүп-чарны җыйганнар.

Авыл җирлеге башлыгы Светлана Питеркино әйтүенчә, Ленинода үз йортлары турысын, авыл урамнарын тәртиптә тотучы, Изге чишәмәгә юлны онытмаучы тырыш кешеләр яши. Көндәлек авыл тормышындагы барлык эшләрдә дә халыкның үзенә һәрчак ярдәм итүен әйтте җирлек башлыгы.