Колбагыш түтиләре махсус хәрби операциядә катнашучыларга чәкчәк пешергән

Ә күптән түгел Колбагыш хатын-кызлары, яу кырындагы егетләребез өчен чәкчәк әзерләделәр. Бу хакта безгә шушы авылда гомер итүче Мария Яковлева хәбәр итте:

“Ике көн,  без – берничә хатын-кыз, бер өйгә җыелышып, СВОдагы егетләребезгә чәкчәк пешереп әзерләп куйдык. Бу бездән 23 нче февральгә буләк булып барып ирешсен иде. Бүген, 5 февральдә  районга алып барып тапшырабыз. Егетләребезгә тәмле ризык булсын, әти-әниләрен, җылы өйләрен искә төшереп тәмләп ашасыннар дибез. Дөньялар тынычланып, тиз арада якыннары янына исән-сау кайтсыннар алар!”

Иске Карабаян (Колбагыш) авылыннан СВОдагы егетләргә булышкан барлык авылдашларга бик зур рәхмәт әйтәм. Менә бу ике көндә үзләренең эшләрен кырыйга куеп чәк-чәк пешерүдә катнашкан Федоров Михаил белән Федорова Юлия, Нарочнина Анна, Воробьева Валентина, Степанова Мария, Яковлева Мария, Демидова Светланага бик зур рәхмәт. Егетләребезгә ризык булып, дөньялар тынычланып  исән-имин әйләнеп кайтсыннар иде, – диде республика керәшен иҗтимагый оешмасының идарә члены Семён Федоров.