Керәшен Сәрдәсе мәктәбе гамәли юнәлешле республика семинарында катнашты

Чарада Татарстанның 8 муниципаль районыннан 80 кеше катнашты. Мәктәп театры җитәкчеләре тәҗрибә уртаклашу максатыннан үз эшләре турында сөйләделәр һәм балаларның театральләштерелгән күренешләрен тәкъдим иттеләр.
Семинар Татарстан Республикасының атказанган артисты, Тинчурин исемендәге Татар дәүләт театры актрисасы Гөлназ Нәфыйкованың актерлык осталыгы буенча мастер-классы белән тәмамланды.

"Бала шәхесен социализацияләүдә мәктәп театрының роле" темасына гамәли юнәлешле республика семинарында безнең мәктәп тә катнашты. Һәрбер мәктәптә театр түгәрәге эшли. Безнең мәктәп укучылары барысы да бу түгәрәккә йөри. Балалар күп булмаганлыктан, әзрәк рольле спектакльләр сайлыйбыз. Театрыбызның исеме дә кызыклы: «Без булдырабыз!". Җитәкчесе - башлангыч класс укытучысы Нина Волкова”, – дип сөйләде Керәшен Сәрдәсе мәктәбе директоры Нина Фадеева.

Аның сүзләренчә, театр түгәрәкләре балаларның шәхес буларак үсүенә, аралашу күнекмәләрен камилләштерүгә һәм җәмгыятькә тизрәк яраклашуына зур өлеш кертә.

Фотолар Н. Фадеевадан.