Кәвәлдә хәрби операциядә катнашучыларга ярдәм итү дәвам итә

Анда махсус хәрби операциядә катнашучыларга ярдәм әзерләү буенча тагын зур эш башланды. Авыл клубы халыкны берләштерү үзәгенә әверелде, анда гуманитар ярдәм җыю буенча оештыру эшләре гөрли.

Кәвәл халкы бу игелекле башлангычка битараф калмый, һәркем үз өлешен кертергә ашыга. Клуб җитәкчесе Зоя Шипшова сүзләренә караганда, авыл халкы тырышлыгы белән үлән чәйләре әзерләнә, кулдан саклану челтәрләре бәйләнә. Бу – егетләргә җылылык һәм кайгыртучанлык җибәрүнең бер ысулы гына түгел, ә аларның батырлыгына рәхмәт белдерү дә.

Кәвәл авылы халкының бердәмлеге һәм ярдәмгә әзер булуы сокландыра. Аларның тырышлыгы белән җыелган ярдәм, һичшиксез, махсус хәрби операциядә катнашучыларга зур терәк булачак.

Зоя Шипшова фотолары.