Георгий Ибушев: «Никифор дәдәйнең китабы - гаҗәеп бер энҗе бөртеге»

«Сандугач үкүсе» җыентыгына Никифор Ионовичның соңгы елларда иҗат ителгән һәм, шулай ук, моңа кадәр чыккан китапларында басылганнары — халык яраткан җырларга әйләнгәннәре дә, поэзия үрнәге булырдай шигырьләре дә кергән. Ул үз китабын Геогрий Ибушевка да бүләк итте.

«Минем кулымда керәшеннәрнең гаҗәеп бер энҗе бөртеге, безнең хәзинәбез. Мондый китапларны без зур хөрмәт белән, укыгач та, югалмасын өчен, сандыкка салып тотарга тиеш. Буыннардан-буыннарга тапшырып, безнең менә шундый кешеләребез бар дип, тапшырырга тиешбез. Никифор дәдәйне үзе гел елмаеп тора, шигырьләре дә үзе шикелле. Аның иҗатында халкыбыз, илебез өчен борчылу хисләре, олылау, мәхәббәткә дан җырлау. Никифор дәдәй тормыш белән кызыксынып яши, иҗат итә. Шул ут сүрелмичә, матур яшәп, яңа шигырьләр язып озын-озак безгә сөнеч китерсен иде», – дип сөйләде Георгий Ибушев. 

Фото: Алиса Ахметшина