Дорга авылы халкы җәйге матур көнне зурлап, күңелле бәйрәм оештырды

Бәйрәмне отец Сергий бәхиллеге белән башлап җибәрделәр. Көн дәвамында халык күңел ачкан, төрле уеннарда катнашкан. Танылган җырчы Вадим Захаровның чыгышы бәйрәмгә ямь өстәгән. Районнан һәм авылдан килгән артистлар үзләренең талантлары белән сөендергән. Кыр батырларын хөрмәтләп, бизәлгән тракторлар парады узган.

«Балык тоту», «Кашыкка күкәй куеп йөгерү», «Көянтә белән су ташу», «Капчыкта сикерү», «Капчык белән сугышу» кебек уеннарда катнашучылар бик күп булган, көрәш тә бик кызыклы узган. Бәйрәм караңгы төшкәнче дәвам итеп, авыл халкы да, кунаклар да бик канәгать калган.

Бәйрәм тәмамлангач та, халык таралырга ашыкмый. Күңелләрдәге шатлык, җәйге кояш нурлары белән бергә, озак сакланыр төсле. Олысы да, кечесе дә бәйрәмнән алган тәэсирләре белән уртаклашты. Әлбәттә, һәркемнең үзенең иң истә калган мизгеле булды: кемгәдер Вадим Захаровның җырлары ошаган, кемдер көрәш батырлары өчен җан аткан, ә кайберәүләр исә, балачакны искә төшереп, капчыкта сикерүдә ярышкан.

Бәйрәмнең оештыручылары да канәгать иде. Авыл активы Борис Андреев билгеләп үткәнчә:

«Бу көн Дорга авылы халкының бердәмлеген, татулыгын күрсәтте. Изге Тихон көнен зурлап билгеләп үтү, йола-гадәтләрне саклау, яшь буынга тапшыру өчен дә әһәмиятле. Киләчәктә дә бу бәйрәмне тагын да зуррак масштабта, яңа идеяләр белән баетып уздыру планлаштырыла. Чөнки андый чаралар авыл тормышына яңа сулыш өрә, кешеләрне берләштерә, рухландыра. Һәм иң мөһиме – Дорга авылының данын еракларга тарата».