Чурабатырдан сугыш ветераны Петр Маловны искә алып

1954 елны авылдашы Зоя Семеновнага өйләнеп, 4 бала 3 малай һәм 1кыз тәрбияләп үстерәләр. Әти-әниләрен дә кадерләп карап, мәңгелеккә озаталар.

«Папа 1983 елны 9 май көнне баш миенә кан йөгереп үлде. 60 яшен уздырырга җыенып йөргән чагы иде.  Папа Сталинград сугышында катнашкан, медальләрен әле дә кадерләп саклыйбыз. Сугыштан соң сельсовет председателе булып эшләгән. 1960 елдан клуб җитәкчесе булды. Коммунист, чын патриот иде», – дип сөйли аның турында кызы Валентина.

Петр Алексеевичның хатыны Зоя Семеновна 1928 елгы. Тыл ветераны. Сугыш башланганда 13 яшендә булган, урман кисәргә алып киткәннәр, дөньяның ачысын нык татыган.

«Папага кияүгә чыккач, бик бәхетле яшәдек дип сөйли иде. 2010 елны, 86 яшендә, минем кулымда сабыр гына мәңгелеккә күчте», – дип дәвам итте Валентина Петровна.