Азнакайдан Валерий Тимиряев Грозныйның Архангел Михаил чиркәвендә булган

Азнакай районы керәшен оешмасы җитәкчесе Валерий Тимиряев сөйләвенчә, алар бу көннәрдә Кабардино-Балкария башкаласы Нальчикта һәм Чечняның Грозный шәһәрендә булганнар.

«Биредә бик кунакчыл кешеләр яши, табигате матур, шифалы чишмәләре бар, ризыклары да тәмле. Ә иң сөендергәне – Олы бәйрәм алдыннан Грозный шәһәрендәге Архангел Михаил чиркәвендә булуыбыз. Шулай ук, Путин, Кадыров проспектларын да күрдек», – дип сөйләде ул.

Чит төбәкләрдә, башка милләтләр арасында үз динеңдәге кешеләрне очрату, алар белән бергәләп изге бәйрәмне каршылау – үзе бер бәхет. Грозныйдагы Архангел Михаил чиркәвендә булу аларның сәяхәтенә яңа мәгънә өстәгән.

Фотолар Валерий Тимиряевның архивыннан

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.