Авылларда Питрәү бәйрәменә әзерлек эшләре киң колач алды

Питрәү бәйрәме җитә! Авылларда – печән өсте, бакчаларда җиләк-җимеш өлгерә, табигать яңа көч белән сулыш ала. Питрау – ул табигать белән кеше арасындагы гармонияне, җир белән күк арасындагы бәйләнешне тою вакыты. Бу көнне йола-гадәтләрне искә төшереп, өлкәннәрнең хәтерен зурлап, яшь буынга үрнәк күрсәтү мөһим.

Зәй районының Югары Баграж авылында башта юл буендагы агачларны агартып, тирә-якны матурлап куйганнар.

“Әлбәттә, шактый арыдык, әмма эшләгән эшнең нәтиҗәсен күргәч, күңелләр күтәрелеп китте. Тирә-якның ямьләнеп, бәйрәмчә балкып торуы безгә көч өстәде. Аннары авыл урамнарын тәртипкә китерүгә керештек: чүп-чарны җыештырдык, үләннәрне чаптык. Һәркем үзенең өлешен кертте, бердәм көч белән эшләгәнгә, эш тиз барды. Кичкә таба авыл күз явын алырлык чиста булды. Ә бу бит әле башы гына. Алда мәдәният йортында репетицияләр, бәйрәм табыны әзерләү, кунакларны каршылау кебек күп эшләр көтә. Ләкин без бернәрсәдән дә курыкмыйбыз, чөнки Питрау – ул безнең өчен олы бәйрәм”, – дип хәбәр итте мәдәният йорты җитәкчесе Гөлия  Бутакова.