Ялган справкалар белән йөрүчеләр җаваплылыкка тартылачак

Бу хакта Татарстан Республикасы прокурорының өлкән ярдәмчесе Руслан Галиев белдерде.

Коронавирус таралуны кисәтү өчен оештырылган үз-үзеңне изоляцияләү чорында эшчәнлеге туктатылмый торган оешмалар исемлеге билгеле. Медицина һәм аптека оешмалары, азык-төлек белән тәэмин итү компанияләре, кичектерерлми торган төзелеш оешмалары, массакүләм мәгълүмат чаралары эшли. 

Әлеге төр хезмәт күрсәтүчеләрнең эш урыныннан ТР Министрлар Кабинеты раслаган формада махсус белешмәсе булырга тиеш. Руслан Галиев сүзләренә караганда, әлеге справкалар эш буенча йөргәндә генә гамәлдә.

Ялган справка өчен оешмалар штрафка тартылачак яки оешманың эшчәнлеге туктатылачак.