Сентябрь ае нинди булыр?

КФУның Экология һәм табигатьтән файдалану институтының метеорология, климатология һәм атмосфера экологиясе кафедрасы доценты Тимур Әүхәдиев сүзләренә караганда, быелгы сентябрь җылы булачак.

Галим сүзләренчә, 2021 елның җәендә Татарстан башкаласында уртача температура 22,4 градуска якын тәшкил иткән. Эсселек дәрәҗәсе буенча ул күзәтүләр тарихында өченче урынны алырга мөмкин. 2010 елда (23,3 градус) һәм 1869 елда гына (22,5 градус) эссерәк булган.