Россиялеләр пенсиягә вакытыннан алдан чыга алачак

Пенсия фондында лаеклы ялга вакытыннан алдан чыгу юлы турында сөйләделәр. Бу турыда “Российская газета” хәбәр итә.

Пенсия алды яшендәге гражданнарның эшкә урнашу мөмкинлеге булмаган очракта, алар пенсиягә билгеләнгән вакыттан иртәрәк чыгарга хокуклы. Мондый пенсия, күчеш чорын исәпкә алып, пенсия яшенә кадәр ике ел алдан билгеләнә.

Быел һәм киләсе елда россиялеләр пенсиягә 55,5 яшьтә һәм ир-атлар 60,5 яшьтә чыга. 2021 елдан башлап пенсиягә 56,5 яшьтә хатын-кызлар һәм 61,5 яшьтә ир-атлар чыгачак. 2028 елда хатын - кызлар өчен пенсия яше-60, ир-атлар өчен 65 яшьтә билгеләнәчәк.

Фото: https://pixabay.com