Психиатр киңәшләре: Үз-үзеңне изоляцияләү чорында акылдан язмас өчен нишләргә?

Кеше көне буе өйдә торганда, көндәлек режимны үтәргә тиеш. Дөрес тукланырга, тиешенчә йокларга, физик күнегүләр эшләргә кирәк.  Бу хакта ТР Дәүләт Советы депутаты, табиб-психиатр Борис Менделевич сөйләде.

“Кеше гаиләсе белән өйдә утыра икән, вакытны бергә уздыру да мөһим. Моның өчен бер-ике сәгать тә җитә. Уеннар уйнарга, ребуслар чишәргә була”, - диде ул.

Ябык тирәлектә кешенең психик халәте авырлык кичерә. Бу очракта, белгеч позитив психитерапия киңәш итә. Моның өчен тискәре күренешнең уңай якларын табарга кирәк.

Казанда кайбер психитерапевтлар бушлай онлайн- конференцияләр уздыра. Кешеләрнең сорауларына җавап бирә. Шулай ук психологик ярдәм күрсәтү хезмәтләре дә эшли, диде белгеч.