Максим Шевченко Татарстанны башка төбәкләргә үрнәк итеп куя

Республикадагы стабильлек, икътисади һәм милләтләр арасындагы дуслык Татарстан Республикасы Президенты Рөстәм Миңнеханов күрсәткән юнәлешләр нигезендә алып барылган сәясәт нәтиҗәсе,  дигән фикер җиткерде Россия сәясәтчесе, журналист һәм җәмәгать эшлеклесе Максим Шевченко. Бу хакта ул “Татар-информ” агентлыгы хәбәрчесе белән корган әңгәмәсендә белдерде.

Эре предприятиеләрне саклап калу нәтиҗәсендә ирешкән иътисади казанышлар, төрле халыклары берләшеп, бер сәяси милләт булып яшәүләре, Минтимер Шәймиев мисалында, өлкән буын ирешкән тәҗрибәнең яшь буынга ирештерелеп торуы – төбәкнең үсеше өчен мөһим һәм башка төбәкләргә үрнәк булырлык чаралар, дип саный ул.