Суган үстерү сере

Түтәлгә утырту өчен суганны апрель аенда ук әзерлиләр. Орлыклык суган 2 сантиметр чамасы зурлыкта булса, яхшырак. Артык эре булса, кыякка гына китәчәк. Суганны бер атна дәвамында 25 градус җылылыктагы бүлмәдә тотарга кирәк. Түтәлгә утыртыр алдыннан, узган көздән ук калган кипкән кыяк өлешен киссәң, суган тизрәк тишелеп чыгар.

Әлбәттә, җиргә утыртыр алдыннан суганны йогышсызландырырга кирәк. Аның өчен иң җайлысы, 10-12 сәгать дәвамында марганцовка эремәсенә (10 литр суга 2-3 грамм исәбеннән) салып тору. Бакыр купоросы (10 литр суга – бер чәй калагы), шулай ук, биофунгицид (ризоплан, псевдобактерин-2, фитоспорин М) эремәсенә дә салып торырга була.

 “Россельхозцентр”ның республика филиалы җитәкчесе урынбасары Любовь Занина әнә шуларны киңәш ителә.

Суганны алдагы елда помидор, ташкабак, кәбестә үстерелгән түтәлләргә утыртып, соңыннан тырманың тигез ягы белән түтәл өстен тигезләп дә куйсагыз, суган әйбәт үсәр.

Фото: pixabay.com