Кәефегез төшсә, шоколад һәм апельсин ашагыз

Көч бетсә, канда шикәр кими. Тәмле итеп баллы чәй эчеп алыгыз.

Шоколад белән апельсин да кәефне күтәрә.

Битарафлыкка бирелмәгез, үз-үзегезне көчләп булса да, ниндидер файдалы шөгыл табыгыз.

Су — шлакларны гына түгел, кире йогынтыны да юа. Кулларыгызны терсәккә тикле аккан салкын су белән юу да күңелегезгә җиңеллек бирер.

Тәбигаткә чыгу — агачлар, куаклар, чәчәкләр арасында булу, бакчада йөрү, кошлар тавышын тыңлау — кайгы-хәсрәтне басуга яхшы дәва.

Кешеләр белән аралашу, күңелегезне ачып салу да хәлне җиңеләйтә. Якын дустыгыз, таяныр кешегез булса — уй-хисләрегезне яшермәгез, аралашыгыз, сөйләшегез, дип яза “Саулык. Татар халык медицинасы”.

Чыганак

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.