Юбилеең белән, “Туганайлар”!

Шушы ун ел эчендә ул чын мәгънәсендә үсте, җитдиләнде, үз урынын тапты. Форсаттан файдаланып, Чаллы керәшен җәмгыяте һәм шәхсән үземнең исемнән керәшеннәрнең бердәнбер гәҗите булган "Туганайлар"ны һәм аны гәҗит итеп таныткан, күтәргән, "булсын" дип чын йөрәктән тырышып йөргән редакция коллективын шушы күркәм, истәлекле вакыйга белән котлыйм, барчасына исәнлек-саулык, гаилә иминлеге, иҗади уңышлар телим. Керәшеннәрнең гореф-гадәтләрен, традицияләрен бөртекләп җыйнап, түкми-чәчми саклауда, яшь буынга тапшыруда күп көч куйганыгыз өчен чын күңелдән рәхмәт белдерәм. Алга таба да милли горурлык хисе тәрбияләү кебек үтә дә нечкә миссияне башкарып, керәшен халкы белән бергә булырсыз, дигән теләктә калам.