Кунак өйе

Казан арты керәшеннәре кәбен күлмәкләрен (туй күлмәкләрен) киеп, матур итеп бизәлгән атларга утырып, кәбен койдырып кайткач, егет белән кызны үз өйләренә түгел, ә "кунак өе" дип аталган, махсус әзерләп куелган өйгә алып керәләр.

Кызны турыдан-туры кияү йортына алып кайтмыйча башка өйгә кертеп тору - бик борынгы йола. Ул килен буласы кешегә чит гаиләгә керү алдыннан үзен әзерләргә, тәртипкә китерергә мөмкинлек бирә.

Сезнең атларыгыз җиккәнме,

Пар кыңгырауларны такканмы?

Быел гына килгән кодалар

Безгә кунак өе тапканмы?

Ф. Баязитованың "Керәшеннәр. Тел үзенчәлеге һәм йола иҗаты" китабы материаллары файдаланылды.

Фото: kamalteatr.ru