Кондратаның борынгы әбиләре

Югары Кондрата авылында җитмешенче-җитмеш бишенче елларда төшерелгән бу фотода – шул авылның олы яшьтәге әбиләре.

Фотода (сулдан уңга): беренче рәттә – бәләкәй Анна әби (Анна Александрова), Даркай Начтук әби (Анастасия Никитина), кибетче Марҗа әби (Мария Краснова), Мекердек Анна әби (Анна Иванова); икенче рәттә – Раман Элүнә әби (Елена Романова), Минәй Марҗа әби (Мария Охотникова), җылкы Кәтри әби (Екатерина Новикова), Ботак Мәтер әби (Матрена Мельникова).

“Болар – борынгы әбиләр. Анна Александрова – минем әбием, ул 1908 елда туган. Аның түтие Екатерина Новикова 1904 елгы. Анна Иванова – аларның дәдәләренең хатыны, ягъни әбиләрнең җиңгәсе. Бу әбиләр арасыннан иң беренче булып, 1980 елда Мэтер әби үлгәнен хәтерлим”, – дип яза Елизавета Михайловна.