“К” хәрефеннән башлап

Кәтерей кергән келәткә,

Келәттә – караңгырак.

Көндез камыр куярга

Кәтерейгә күкәй кирәк.

Кәрҗиндәге күкәйгә

Кәтерей кулын куйган.

Келәттәге кәрҗингә

Карт керпе кереп кунган.

Кычкырып куйган Кәтерей,

Кулкайлары калтырый.

Күршедәге Кирушка

Кереп китте Кәтерей:

“Керпене куарга кирәк

Келәттәге күкәйдән.

Кируш, керче, керпене күрче,

Карышмачы, күршекәй”.

Кируш кергән келәткә,

Карт керпене куарга.

Күкәй кирәк Кәтерейгә

Көндез камыр куярга.

Күршедәге Кирушка

Кәтерей кулын куйган.

Кирушның кулы калтырый,

Кәтерейне күзләп куйган.