Зоя Даниловадан – пичтә пешкән пирәмәч рецепты

Кайбер авыллардагы өйләрдә әле бүгенге көндә дә пич бар. Тәмле исләр таратып, пичтә пешкән ризыкка берни җитми! 

Пич пәрәмәче камыры өчен кирәк булачак: 0,5 литр сөт, 1 стакан су, 2 күкәй, 1 чәй калагы сода, бераз тоз, 2 чәй калагы шикәр комы, 1 аш калагы сыек май.

Пирәмәч өстенә ягарга дип бераз сөт кушылган 2 күкәйне әйбәтләп болгатабыз.

Камырны басабыз һәм өстенә чүпрәк каплап 15 минут тотабыз. Бәрәңгенең суын түгәбез, аңа сөт, май салып, 1 күкәй сытып, төябез. Камырны 5-6 кисәккә бүлеп җәябез. Җәелгән камырның кырыйларын матур итеп бөгеп чыгабыз.

Пич кызуы төшкәч, пирәмәч җәймәләре салынган табаны пичкә куябыз. Өсте бераз кызаргач алып, бәрәңге боламыгын тигезләп җәябез, әзерләп куйган күкәйне сылыйбыз да, яңадан пичкә «озатабыз».

Ул анда кызарып, матур булып пешә.

Сыер мае эретеп, пирәмәч өстен майлап куябыз.