Җөзек салу – күңелле, матур җолаларның берсе

Җөзек салу – Нардуган уеннарының иң көтеп алынганы, бергәләп җыелып яратып башкарыла торганы.

Элгәре Нардуган буласы йортка җыелганнар. Арадан баш бала, уртанчы бала  һәм төпчек бала чишмәгә  суга барганнар. Юлда сөйләшергә, артка әйләнеп карарга ярамаган. Суны алгач та, җиргә ятып тыңлап, елның ничек киләсен юраганнар. Шулай эшләгәндә, су сихри көчкә ия була. Су алып кайткач, ниятләп, йөзекләрне суга салып, Нардуган җыруын әйткәннәр:

Нарудганым нар булсын,

Эче тулы нур булсын.

Нардуган башы кемгә тияр,

Ул бик бәхетле булсын.

Бу җыру аша әнә шундый матур теләкләр җиткерелгән. Ә инде арада булган ялкаурак кешеләргә дә, төрттереп, җыру әйткәннәр:

 Кара тавык тондырчы,

Аягын бәреп сындырчы,

Җорт саен җөргәнче,

Лапас башын җапсаңчы..

Җөзек салган суны соңыннан кояшка каршы түккәннәр.

Чистай районының Бахта авылы клубы методисты Анна Ахманова редакциягә әнә шулар турында хәбәр итте.