Җырчы Алина Давыдовага дәүләт бүләге тапшырылды

Алина Давыдова Салават концертларында чыгыш ясаганнан соң  дәүләт бүләгенә ия булган. Ул бу хакта социаль челтәрендә хәбәр итә:

«Кичә, Салават Зәкиевич концертында мине ТР Мәдәният министрлыгының «Мәдәнияттә уңышлары өчен» күкрәк билгесе белән бүләкләделәр. Республика җитәчелегенә минем мәдәнияттәге үсешемне күреп, мактаулы бүләк бирүләре өчен һәм шулай ук остазым Салават Зәкиевич чикскез рәхмәт», – дип язган ул.

Алина өчен бу көтмәгәндә булган:

«Бер көнне төш күрдем: имеш миңа атказанган артист исеме бирделәр. Шул  төш чынга ашты дисәң дә була. Мондый бүләкне остазым Салават Зәкиевич кулыннан алуыма икеләтә шатмын. Минем иҗатымны шулай югары бәяләгәннәре өчен җитәкчеләргә рәхмәт. Артист кеше өчен бу бик мөһим», - дип хис- кичерешләре белән уртаклашты.

Алинага алда да уңышлар гына телибез!