Вадим Захаров: Минем яндагылар берсе дә «Тәре» дип ачуланып сөйләшми хәзер

"Җырлый башлагач та, керәшен кызына өйләнермен дип ничектер үз-үземә сүз биргән идем. Шул нык итеп уелып калган. Һәм язмыш үзе безне очраштырды.
Акыллы кеше булса, аның белән матур тормыш итәргә була. Эш диндә түгел. Шәхсән үзем бар динне дә хөрмәт итәм. Дусларым арасында хәзрәтләр дә бар. Бик дус яшибез. Миңа беркайчан да: «Син бит керәшен!» – дип, төртмәле сүзләр әйтмәделәр. Әти-әнидән килгән иман. Минем яндагылар берсе дә «Тәре» дип ачуланып сөйләшми хәзер. Тәре ул – изге сүз, «Тәңре»дән алынганын аңлатып бетердем. Алла бер ул! Без «Бисмилла» урынына «Господи, помилуй» дип кенә әйтәбез, бөтен аерма шунда гына. Аллага ышанам, чиркәүгә дә йөрим. Туй көнне үк кәбен дә койдырдык, баланы да чумылдырдык."-ди Вадим.

Шәһри Казан