ТНВ төшерә торган Яңа ел мюзиклында карендәшләребез дә катнаша

Бу көннәрдә мюзиклның төп күренешләренең берсе төшерелде. Махсус моның өчен Казан күперләренең берсе вакытлыча ябылып торды, "КАМАЗ-мастер" спорт автомобильләре яңа ел бизәлешләрен алды, шулай ук Кыш Бабай һәм Кар кызы чакырылды. Керәшен егете, "Камаз-мастер" экипажының титуллы пилоты Эдуард Николаев – Кыш Бабай, ә Чаллы шәһәре мэрының матбугат секретаре Римма Мөхәммәтҗанова Кар кызы ролендә булдылар. Мюзиклның бу өзеген, ә дөресрәге ахыргы эпизодын төнлә белән, 20 градус суыкта урамда төшерделәр. Матур кадрлар килеп чыксын өчен күп нәрсәгә түзәргә туры килә, ди режиссерлар.

Мюзиклны төшерү Казан шәһәрендә: халыкара аэропорт территориясендә, көрәш сараенда, башкала урамнарында, шәһәр читендә һәм Баулыдагы танылган «ике сәгатьлек күпер»дә бара.

Керәшен дөньясындагы яңалыкларны Телеграм-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.