Римма Никитина: Гөмбәләрне юганда да, җыйганда да бар дөньямны онытып, җырлап эшлим

Татар эстрадасында үз образын булдыра алган җырчы кызыбыз Римма Никитина да гөмбәгә йөрергә вакыт таба икән.

– Гөмбә җыярга бик яратам мин. Төрлесен җыям гөмбәнең, – ди Римма. – Эшкәртүен дә үзем эшкәртәм. Безнең якларда үскән барлык гөмбәләрне дә аерам, беләм. Гөмбәне җыю да, эшкәртү дә бик рәхәт.. Мин аны җыеп ял итәм. Гөмбәләрне юганда да, җыйганда да бар дөньямны онытып, җырлап эшлим. Иренмәскә кирәк. Гөмбәне эшкәрткәннән соң, морозильникка тутырып куям да, кирәк саен алып кулланам.