Рекрут җыруы

Су буйлары киртләч-киртләч,

Киртләчләре бетәр боз киткәч.

Авыр әче алманы ашавы,

Читен икән илләрне ташлавы.

Авыл урамнары җәмле иде,

Җәмлелеге бетәр без киткәч.

Сандугач сайрый ла киртәдә,

“Сез булмассыз, – дип – иртәгә”.

Өй түрендә үскән миләшне

Беркемнәр дә әйтмәс шул “балан” дип.

Су тирәнлеге биш аршын,

Чыгып ук китә бу башым.

Чит җирләрдә җөргән чакта

Беркемнәр дә әйтмәс шул “балам” дип.

Әнекәем, җаныма килсәнә,

Хәлләрем авыр ла, белсәнә.

Җәй көннәрдә, түтәл-түтәл,

Яшелләнеп үсәләр суганнар.

Авыр әче алманы ашавы,

Читен икән илләрне ташлавы.

Исән барып сау кайтырга

Теләкләрне теләгез, туганнар.

Сандугач сайрый “чүт-чүт” дип,

Анда дусларың җук-җук дип.