Россиянең административ хокук бозуларга кагылышлы кодексына кертелгән үзгәрешләр нигезендә, шушы елның 1 октябреннән башлап, җитди сәбәпләр булмаган килеш хәрби комиссариатка килмәгән өчен административ штраф күләме 10-30 мең сумга кадәр җиткерелә.
Элегрәк бу штраф күләме, иң күп дигәндә, 5 мең сум тәшкил итте. Тиешле документ рәсми хокукый мәгълүмат интернет-порталында чыкты.
Үзенең гаилә хәле, яшәү, эшләү яки уку урыны, рәсми рәвештә теркәлмичә яңа урынга яшәргә күченүе турында хәрби комиссариатка хәбәр итмәгән гражданнар исә 5 мең сумга кадәр административ штрафка тартылырга мөмкин.
Нет комментариев