Питрәч районының Кәвәл авылыннан Карина Шипшова сохари ясау рецепты белән бүлеште

Сәләт - ниндидер юнәлештә кешенең оста итеп башкарылган эше ул. Аны безгә Ходаебыз туганчы ук бүлеп куядыр, мөгаен.

"Мин үземне кул, язу-сызу эшләренә, оештыру сәләтенә ия, дип саныйм. Ә менә минем беренче оныгым Карина гел аш әзерләү, камыр ризыклары пешерү, тәм-томнар әзерләү сәләтенә ия. һәр иртә, ул йокысыннан уянып күзен ачуга, аның “бүген нәрсә пешерәбез”, дигән соравын ишетәбез. Без дәшмәгәч, үзе, без бүген коймак пешерәбез, дип, яки башка ризык исемен атап, пичәтләп куя. Башка бернәрсә турында уйламый, әзерләп ашамаган килеш үзе дә тынычланмый, безгә дә тынгылык бирми",  – ди әбисе Зоя.

Бүген дә Карина балалар ярата торган сохари ясау белән шөгыльләнде.

"Рецепт: Кара ипине, яки ак калачны шакмаклап турыйбыз, болгатырга уңай булсын өчен, савытка салабыз, тәменчә тоз, кара борыч өстәп болгатабыз. Табага салып 180*лы духовкага 15 минутка тыгып куябыз. Бу рецепт белэн ясалган сохарины балалар яратып ашый. Сезгә дэ ясап карарга киңэш итәм. Тәмле булсын!",  – дип төзеп китте Карина.