Пётр Утяганов борынгы җырларны үзенчәлеген саклап, шул килеш башкарырга кирәк дип саный

Петр УТЯГАНОВ, Зәй районының Сарсаз-Баграж авылыннан “Сандугач” балалар фольклор ансамбле җитәкчесе: 

–  Безнең  “Сандугач”ның  оештырылганына әле  биш кенә  ел.  Ансамбльгә җиде яшьтән ундүрт яшкә кадәрге унбиш  бала йөри. Фестивальдә беренче мәртәбә моннан дүрт ел элек катнашкан идек. Монысын да исәпкә алсак, өченче катнашуыбыз була. Чистай шәһәрендә үткәрелгән региональ турда беренче  дәрәҗә диплом белән бүләкләндек. Бу юлы Гала-концертта инструменталь ансамблебез чыгыш ясый. Балаларыбыз  Наратасты авылы көен (Сарман районы) җырлый: “...Алдым тарантас, җиткем пар ат...”.  Элгәреләр ничек җырлаган, шул үзенчәлекне саклап, бүгенге көн тыңлаучысына шул килеш җиткерергә кирәк дип уйлыйм.  

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.