Олы Аты клубында блиндаж шәмнәре ясыйлар

Аты клубы җитәкчесе Надежда Замотаева хәбәр итүенчә, авылда «Своих не бросаем» дигән төркем оештырылган. Ул төркем Ватаныбыз иминлеге, махсус хәрби операциядәге ир- егетләр язмышы өчен борчылучы кешеләрне берләштерә.

Авылның уңган хатын-кызлары, түтиләре һәм яшьләр авыл клубына җыелып, блиндаж шәмнәре ясыйлар. Җырлый- җырлый йон язып, аны җегерләп, җылы оекбашлар бәйлиләр. Хәрби операциядәге егетләргә тәмле ашлы туган якны хәтерләтеп ныклык бирсен өчен, изге теләкләр белән, йорт токмачлары кисәләр. Клубка килә алмаганнары үз өйләрендә әзерләп китерә. Хәрби операциядәгеләргә җибәрү өчен, фронт шартлары өчен кирәк әйберләр дә җыялар. Аты халкы ил-көндә иминлек булсын һәм хәрби бурыч үтәүче егетләр тынычлык урнаштырып, тизрәк үз туган якларына кайтсын өчен, кулларыннан килгәннең барысын да эшлиләр.