Нина Фадеева: «Халыкта, бәрмәнчек белән стеналарны бәргәләсәң, өеңә тынычлык килә дигән ырым яши»

Песиле талның ботакларын өйгә алып кайтып, сулы савытка утыртырга кирәк.

«Халыкта, бәрмәнчек белән стеналарны бәргәләсәң, өеңә тынычлык килә, тәнеңә тидерсәң, сихәтләнәсең, дигән ырым яши. Ул ботакларны, мал-туар исән-имин, бәрәкәтле булсын, көтүдән туры өйгә кайтсын, дип, каралты-курага да кыстырып куялар. Тал песие эре булса, тавык-чебеш, каз-үрдәк эре була дип санаганнар. Бу көнне бәрмәнчек ботакларын чиркәүгә алып барып, аруландырганнар», — дип сөйләде Питрәч районының Керәшен Сәрдәсеннән Нина Валентиновна.