Мамадышта керәшенчә «пятачок» гөрләде

Бәйрәмнең махсус кунагы  – Татарстан Республикасының халык артисты Олег Фазылҗанов.

Аның «Әйдә, барыйк урманга!» җырын башлавы белән, халык биергә тотынган. Кушылып җырлаучылар да аз булмаган.

«Бәйрәмгә килгән халык бик кызыксынып күргәзмәләрне карадылар. Район мәдәният йорты хезмәткәрләре, үзешчән сәнгать осталары һәм авыллардан килгән керәшен фольклор ансамбльләре белән бергә, матур концерт оештырдылар. Халык җылы кабул итте, яратып карады, үзләре дә керәшен җырларына кушылып җырладылар, биеделәр, уеннарда катнаштылар. Бәйрәм дискотека белән тәмамланды»,– дип хәбәр иттеләр Мамадышның мәдәният йорты хезмәткәрләре.

фото: Районный Дом культуры г. Мамадыш.