Мәлкинең мәктәп яны участогында язгы эшләр гөрли

Укучы балалар, укытучылары белән берлектә җирне эшкәртәләр, түтәлләр  ясыйлар. Яшелчәләр, чәчәкләр утырталар.

«25нче апрель көнне мәктәп бакчасында укучылар һәм укытучылар бик тырышып эшләде. Җәй һәм көз көннәрендә безнең мәктәп бакчасы бик матур булсын иде дип тырышабыз. «Эшләмәсәң эш көне, ни ашарсың кыш көне», диләр бит. Җәйге каникулда да ял итеп кенә тормыйбыз, аны файдалы итеп үткәрергә тырышабыз.

Мәктәп бакчасында суган, кишер, чөгендер, кыяр үстерәбез. Алардан уңыш алу өчен тырышып эшләргә кирәк», — дип сөйләде башлангыч класслар укытучысы Ольга Лазерева.